Ամերիկացի դպրոցականը նախկին ընկերուհուն սպանելուց հետո սեր է խոստովանել նրան Twitter-ում
18-ամյա ամերիկացի դպրոցական Ռայլի Գոլը, որը մեղադրվում է իր նախկին ընկերուհի 16-ամյա Էմա Ուոքերի սպանության մեջ, ձերբակալությունից մի քանի ժամ առաջ սեր է խոստովանել նրան Twitter-ում:
The Independent-ը գրում է, որ Գոլը կրակ է բացել քնած Ուոքերի վրա նրա ննջասենյակի պատուհանից: Աղջկա մարմինը հայտնաբերվել է նոյեմբերի 21-ին` ԱՄՆ Թենեսի նահանգի Նոքսվիլ քաղաքում: Դրանից հետո երիտասարդը մի քանի գրառում է արել իր Twitter-ում`դրանք նվիրելով իր նախկին ընկերուհուն:
«Ամեն օր ապրում եմ շնորհիվ Էմա Ուոքերի: Սիրում եմ քեզ, գեղեցկուհի՛, և գիտեմ, որ այժմ դու ավելի լավ վայրում ես»,-գրել է նա:
Նշվում է, որ հաջորդ օրը դպրոցականը կալանավորվել և մեղադրվել է դիտավորյալ սպանություն կատարելու համար։
Աղբյուրի տեղեկություններով` միջադեպից քիչ առաջ երիտասարդները բաժանվել են, սակայն Գոլը, ամենայն հավանականությամբ, հրաժարվել է հաշտվել այդ մտքի հետ:
«Էման ցանկացել է առաջ շարժվել, սակայն Ռայլին հրաժարվել է ընդունել նրա որոշումը»,-պատմել է աղջկա մորաքույր Ջենի Ուելդոնը:










