Այսօր Վենեսուելա է բերվելու 35 միլիոն նոր թղթադրամ
Վենեսուելայի նախագահ Նիկոլաս Մադուրոն հայտարարել է, որ երկիր առաջիկա ժամերի ընթացքում նոր թղթադրամների խմբաքանակ կհասնի, հայտնում է ТАСС-ը:
«Այսօր ութ օր ուշացումով երկիր կհասնի 500 բոլիվար արժողությամբ 35 միլիոն թղթադրամ»,- հայտնել է նա:
Հարավամերիկյան երկրի իշխանություններն այս ամիս անցկացնում են վերջին տարիների ընթացքում թղթադրամների ամենամասշտաբային փոփոխությունը:
Ավելի վաղ ԶԼՄ-ները հաղորդել են, որ Վենեսուելայի մի քանի նահանգներում բողոքի ակցիաներ են անցկացվել դրամական միջոցների պակասի պատճառով:
Վենեսուելական իշխանությունները պատրաստվում էին մինչև դեկտեմբերի 16-ը դադարեցնել 100 բոլիվար արժողությամբ թղթադրամների ազատ շրջանառությունը, իսկ ավելի ուշ դրանք դուրս բերել շրջանառությունից: Այնուամենայնիվ, դեկտեմբերի 17-ին հայտարարվել է, որ դրանք կարելի է օգտագործել առևտրում և բանկային ոլորտում մինչև 2017 թվականի սկիզբը: Միաժամանակ շրջանառության մեջ են դրվելու խոշոր արժեքով թղթադրամներ՝ ընդհուպ մինչև 20.000 բոլիվար արժողությամբ: Պետական փոխարժեքով 100 բոլիվարը հավասար է մոտ 10 դոլարի:
Վերջին տարիներին սուր սոցիալ-տնտեսական ճգնաժամի մեջ գտնվող երկրում մեծ արժեքով թղթադրամների հայտնվելու անհրաժեշտությունը պայմանավորված է գնաճի բարձր տեմպերով:










