Դրեյքն ու Ջեյ Լոն համատեղ լուսանկարով հաստատել են սիրավեպի մասին լուրերը

Վերջին շրջանում դեղին մամուլում ակտիվորեն լուրեր էին շրջանառվում այն մասին, որ հայտնի ռեփեր Դրեյքի ու երգչուհի Ջենիֆեր Լոպեսի միջև սիրավեպ է սկսվել:

Ինչպես նշում է The Daily Mail-ը, աստղերը որոշել են վերջ տալ խոսակցություններին ու հաստատել զույգ լինելու ենթադրությունը՝ Instagram-ի իրենց էջերում հրապարակելով երկուսով գրկախառնված լուսանկար, որը շատ ավելի խոսուն է, քան բառերը:

Հետաքրքրական է, որ լուսանկարի հրապարակումից հետո 30-ամյա Դրեյքի նախկին ընկերուհին՝ երգչուհի Ռիհանան, Instagram-ում իր հետևած աստղերի շարքից ջնջել է 47-ամյա Լոպեսին, ինչը ևս վկայում է, որ զույգի մոտ ամեն ինչ լուրջ է:

Նշվում է, որ Ռիհանան ու Լոպեսը, անկախ տարիքային մեծ տարբերությունից (19 տարի), միշտ մտերիմ են եղել ու տարբեր առիթներով ի ցույց են դրել, թե որքան են աջակցում մեկը մյուսին:

Հավելենք, որ ավելի վաղ շրջանառվող լուրերի համաձայն, Լոպեսը պատրաստվում էր վերամիավորվել նախկին ամուսնու և իր 2 երեխաների հոր՝ երգիչ Մարկ Էնթոնիի հետ:

Վերջերս հրապարակված այս լուսանկարը հնարավոր սիրավեպի մասին խոսակցությունների առիթ էր դարձել

Դրեյքն ու Ռիհանան

Ջեյ Լոն՝ նախկին ամուսնու ու երեխաների հետ