Դամասկոսի մարզում պայթյուն է որոտացել. կան զոհեր

14:55 • 08.01.17

Սիրիայի Դամասկոսի մարզի արևմուտքում ավտոմեքենայի մեջ տեղադրված ռումբի պայթյունի հետևանքով մահացել է 5 և վիրավորվել առնվազն 15 մարդ: Այս մասին հաղորդում է SANA գործակալությունը:

Ինչպես գործակալությանը հայտնել է ոստիկանության աղբյուրը, ահաբեկիչները պայթյունը կազմակերպել են Բեյթ Ջին գյուղի խաչմերուկում:

Նշվում է, որ վիրավորներից ոմանց վիճակը ծանր է, իսկ զոհերի թիվը կարող է աճել:

Աղբյուրը չի մանրամասնում, թե որ խմբավորումն է պատասխանատու միջադեպի համար. դեռևս ոչ մի խմբավորում չի ստանձնել պայթյունի պատասխանատվությունը: