Մահացել է Իրանի նախկին նախագահ Ռաֆսանջանին

21:03 • 08.01.17

Մահացել է Իրանի նախկին նախագահ Ալի Աքբար Հաշեմի Ռաֆսանջանին, հաղորդում է իրանական FARS գործակալությունը:

Աղբյուրը մանրամասնում է, որ քաղաքական գործիչը մահացել է Թեհրանի հիվանդանոցներից մեկում, որտեղ նա տեղափոխված է եղել դեկտեմբերի 8-ի ցերեկը սրտի կաթված ստանալուց հետո:

Ռաֆսանջանին ծնվել է 1934 թվականին: Մինչև Իսլամական հեղափոխությունը նա հինգ անգամ ազատազրկվել է հակապետական գործունեության համար, ինչից հետո ընդգրկվել է նախարարների անցումային կաբինետում:

1989 թվականի օգոստոսին Ռաֆսանջանին ընտրվել է նախագահի պաշտոնում և այդ պաշտոնը զբաղեցրել երկու ժամկետ` մինչև 1997 թվականը: