Մոսկվաբնակ սթրիթռեյսեր Մառա Բաղդասարյանին ձերբակալել են հարկադիր աշխատանքից խուսափելու համար
Մոսկովյան դատարանը 15 օրով ձերբակալել է Mercedes մակնիշի արտաճանապարհային մեքենայով մրցավազքերի մասնակցող Մառա Բաղդասարյանին հարկադիր աշխատանքից խուսափելու համար: Այս մասին հայտնում է ТАСС գործակալությունը` մեջբերելով դատարանի մամուլի հաղորդագրությունը:
«Այսօր դատարանը քննել է Մառա Բաղդասարյանի նկատմամբ վարչական խախտում կատարելու մասին գործը: Դատավորը, հաշվի առնելով մեղմացուցիչ և ծանրացուցիչ հանգամանքները, Բաղդասարյանի նկատմամբ 15-օրյա վարչական կալանք է սահմանել», - ասել է դատարանի մամուլի քարտուղարը:
Բաղդասարյանը վկա էր Gelandewagen մակնիշի մեքենաներոս ոսկե երիտասարդության իրականացրած մրցավազքերի մասին գործով, ինչպես նաև մեղադրվում էր մրցավազքերին մասնակցելու և ճանապարհային երթևեկության կանոնները խախտելու մեջ, որի համար նա 10-օրյա ազատազրկման է ենթարկվել:
Սկանդալային սթրիթռեյսերին նաև 595 ժամյա հարկադիր աշխատանքի էին պարտավորեցրել, որը նա պետք է կատարեր մոսկովյան բակերից մեկում`որպես բակային հավաքարար:










