ԱՄՆ-ում նախկինում հրշեջ քաղաքապետն աղջկա է փրկել հրդեհվող տնից

12:53 • 12.01.17

ԱՄՆ Նյու Ջերսի նահանգի Պոլսբորո փոքր քաղաքի քաղաքապետ Հերի Սթիվենսոնն աղջկա է փրկել այրվող տնից, հաղորդում է CBS News-ը:

Աղբյուրը մանրամասնում է, որ Սթիվենսոնը նկատել է վառվող շինությունը, երբ տուն վերադառնալիս է եղել հուղարկավորության արարողությունից: Հրդեհվող բնակարան մտնելով` քաղաքապետը քնած աղջիկ է հայտնաբերել այնտեղ, որին և դուրս է հանել տնից:

Նշվում է, որ Պոլսբորոյի քաղաքապետ դառնալուց առաջ Սթիվենսոնը 12 տարի աշխատել է որպես հրշեջ:

Հրշեջ ծառայության աշխատակիցների հաղորդմամբ` հրդեհի պատճառն էլեկտրամատակարարման խափանումներն են եղել, որոնք սկսվել են երկհարկանի տան ձեղնահարկում: