Mercedes-ը ներկայացրել է E-class-ի «գերհզոր» ունիվերսալը (լուսանկարներ)

Mercedes-Benz ընկերությունը ներկայացրել է վերջին սերնդի E-class-ի ունիվերսալ մոդելի AMG «գերհզոր» տարբերակը: Ինչպես հայտնում է Motor.ru-ն, մոդելի առաջատար S-տարբերակը զինվել է 612 ձիաուժ հզորություն զարգացնող շարժիչով:

Ունիվերսալը, ինչպես և սեդանը, համալրված է 4 լիտր ծավալով V8 երկտուրբո շարժիչով: Բազային տարբերակը համալրված է եղել 571 ձիաուժ հզորությամբ շարժիչով:

Mercedes-AMG E 63 Estate-ի բոլոր տարբերակները համալրվում են 12 աստիճան ավտոմատ փոխանցման տուփով: Mercedes-AMG E 63 սեդանը 100 կմ/ժամ արագությունը հավաքում է 3.5 վայրկյանում, իսկ а E 63 S  մոդելը` 3.4 վայրկյանում:

Գերմանական ավտոարտադրողի «գերհզոր» ունիվերսալի առաջին հանրային ցուցադրությունը կկայանա մարտին՝ Ժնևի ավտոսրահում: Նորագույն մոդելի վաճառքը նախատեսվում է սկսել հունիսին: