Հռոմի պապի տեսաուղերձը կցուցադրվի ԱՄՆ «Սուպերբոլ-2017-ի» ժամանակ
ԱՄՆ-ի Ֆուտբոլի ազգային լիգայի Սուպեր գավաթի եզրափակիչ հանդիպման` Սուպերբոլի տոնակատարությանն այս տարի հանդես կգան ոչ միայն հայտնի երգիչները, այլև Հռոմի պապը:
Ինչպես տեղեկացնում է Business Insider-ը, Ֆրանցիսկոս պապը տեսանյութ է ձայնագրել, որը կցուցադրվի կիրակնօրյա եզրափակիչ խաղի ժամանակ, որն անցկացվելու է «Նյու Ինգլենդ Պետրիոտս» և «Ատլանտա Ֆալքոնս» թիմերի միջև:
Վատիկանի մամլո խոսնակը հայտնել է, որ տեսաուղերձը նախատեսվում է ցուցադրել Հյուսթոնի մարզադաշտի էկրանով խաղից առաջ կամ առաջին խաղակեսի ընթացքում:
Ըստ ավանդույթի` խաղի ընդմիջման ժամանակ աստղերի մասնակցությամբ շոու է անցկացվում: Ավելի վաղ հայտնի էր դարձել, որ խաղի ընդմիջման ժամանակ այս տարի ելույթ է ունենալու ամերիկացի երգչուհի Լեդի Գագան:










