«Հակառակորդի կողմից մահացու վիրավորվում ստացած զինծառայողի ընտանիքը ծանր էր ապրում, գյուղում ապրում էին տնակում». գյուղապետ
Արցախի հյուսիսարևելյան ուղղությամբ տեղակայված զորամասերից մեկում հակառակորդի կողմից հրադադարի ռեժիմի խախտման հետևանքով մահացու վիրավորում ստացած 1997թ. ծնված Գոռ Գարեգինյանի զորացրմանը մնացել էր 1 տարի:
Նա Ախուրյանի տարածաշրջանի Շիրակ գյուղից էր, որի գյուղապետ Խորեն Հարությունյանը տղայի ընտանիքի մասին որոշ մանրամասներ ներկայացրեց Tert.am –ի հետ զրույցում:
«Իրենք մեր գյուղից էին, բայց այստեղ չէին ապրում, հայրը, մայրը, երկու անչափահաս եղբայրները Ռուսաստանում են, ինքը բանակում էր: Հիմա գյուղում նրա հորեղբայրներն են»,- ասաց գյուղապետը:
Գյուղապետի խոսքով` Գոռ Գարեգինյանի ընտանիքը ծանր էր ապրում, իսկ գյուղում ապրում էին տնակում:










