Երկու մարդ է զոհվել Իրանում գազամուղի պայթյունի հետևանքով
Իրանի հարավ-արևելքում գազամուղի պայթյունի հետևանքով երկու մարդ է զոհվել, գրում է Reuters գործակալությունը՝ վկայակոչելով տեղական ԶԼՄ-ներին:
Հաղորդվում է, որ միջադեպը տեղի է ունեցել Սիստան և Բելուջիստան նահանգում գազամուղի փորձնական գործարկման ժամանակ:
Ինչպես հայտնել է տեղի պաշտոնյաներից մեկը, գազամուղը չի պարունակել գազ, և փորձարկումն իրականացվել է օդով և ջրով:










