Չինաստան մեկնող բոլոր անձինք մատնահետքեր են հանձնելու
Չինաստանի իշխանությունները սկսում են մատնահետքեր վերցնել երկրի տարածք մուտք գործող բոլոր օտարերկրացիներից: Այդ մասին հայտնել են Չինաստանի հանրային անվտանգության նախարարությունից, գրում է BBC-ի ռուսական ծառայությունը:
Նոր համակարգը նախ փորձարկվելու է Շենչժեն քաղաքի միջազգային օդանավակայանում: Այնտեղ այն սկսելու է գործել փետրվարի 10-ից:
Մինչև այս տարվա վերջ այն կգործարկվի սահմանի հատման բոլոր կետերում:
Մատնահետքեր հանձնելու են 14-ից 70 տարեկան բոլոր օտարերկրացի քաղաքացիները՝ բացառությամբ օտարերկրյա դիվանագետների:
Չինաստանի իշխանությունները վկայակոչել են այլ երկրների փորձը, որտեղ մատնահետքերի հանձնումը լայնորեն տարածված պրակտիկա է դարձել:










