Ռոբբի Ուիլյամսը խոստովանել է, որ թմրանյութ է օգտագործել Բուքինգհեմյան պալատում

19:33 • 10.02.17

Երգիչ Ռոբբի Ուիլյամսը հայտարարել է, որ մարիխուանա է ծխել Բուքինգհեմյան պալատում: Lenta.ru-ի հաղորդմամբ՝ այդպես նա մեկնաբանել է խոսակցություններն այն մասին, որ մի անգամ իրեն վատ է զգացել բրիտանացի միապետների նստավայրում:

«Վատացել էի արդյո՞ք ես Բուքինգհեմյան պալատում: Ո՛չ, ես մարիխուանայով ծխախոտ եի ծխել», - հայտարարել է Ուիլյամսը:

42-ամյա բրիտանացի կատարողը հավելել է, որ շարունակում է թեթև տեսակի թմրանյութեր օգտագործել` նշելով, որ վերջին անգամ երկու օր առաջ է նման բան արել:

Բրիտանական աղբյուրների տվյալներով` Ուիլյամսն առաջին երաժիշտը չէ, որը թագուհու նստավայր թմրանյութեր է տարել: Ջոն Լենոնը ժամանակին պնդում էր, որ  The Beatles-ի ողջ կազմը մարիխուանա է ծխել պալատի զուգարանում, երբ իրենց 1965-ին պարգևատրում էին Բրիտանական կայսրության շքանշանով: