Նյու Յորքում օդանավը բռնկվել է թռիչքուղու վրա
Նյու Յորքի Ջոն Քենեդիի անվան միջազգային օդանավակայանում տեղի է ունեցել արտակարգ դեպք. դեպի Բուենոս Այրես ուղևորվող թեթև շարժիչով ինքնաթիռը բռնկվել է անմիջապես թռիչքուղու վրա:
Ինչպես նշում է The Daily Mail-ը, ինքնաթիռը պատկանում է Argentina Airlines ավիաընկերությանը: Օդաչուի փոխանցմամբ՝ շարժիչի բռնկումը տեղի է ունեցել այն պահին, երբ ինքնաթիռը պատրաստվում էր վերելքի:
Նշվում է, որ բռնկման պատճառը եղել է շարժիչի գերտաքացումը: Միջադեպի հետևանքով ուղևորներից և անձնակազմից որևէ մեկը չի տուժել:
Դեպքի վայր ժամանած հրշեջները մարել են կրակը, մինչդեռ թռիչքուղին միառժամանակ փակվել է բոլոր ինքնաթիռների համար:










