Թրամփը Ճապոնիայի վարչապետի ելույթի ժամանակ չի կրել թարգմանությունը լսելու համար նախատեսված ականջակալը

13:58 • 11.02.17

Միացյալ Նահանգների նախագահ Դոնալդ Թրամփն ընդունել է Ճապոնիայի վարչապետ Սինձո Աբեին, ում ելույթի ժամանակ 70-ամյա ղեկավարը չի կրել թարգմանությունը լսելու համար նախատեսված ականջակալը՝ չնայած, որ չի տիրապետում ճապոներենին:


Ինչպես նշում է The Daily Mail-ը, թեպետ Թրամփը չի հասկացել ճապոնացի գործընկերոջ ասածները, այնուհանդերձ՝ Աբեի ելույթի ժամանակ նա պարբերաբար ժպտացել ու գլխով համաձայնության նշաններ է արել:


Ականջակալի բացակայության փաստն առաջիններից է նկատել CNN-ի թղթակից Ջեֆ Զելենին՝ հավելելով, որ Թրամփը չի հասկացել, թե Ճապոնիայի վարչապետն ինչի մասին է խոսում:


Սակայն ավելի ուշ Սպիտակ տունը մեկնաբանել է, որ Թրամփը նախապես իմացել է Աբեի ելույթի բովանդակությունը, ուստի՝ ականջակալ կրելու առիթ չի եղել:


Հայտնի է, որ նախագահն ականջակալը դրել է միայն այն ժամանակ, երբ նրան հարց է հղել ճապոնացի լրագրողը:

 

Trump laughed and nodded as Shinzo Abe delivered his opening remarks - even though he did not appear to have his translation device in while Abe was talking

Trump fiddled with the device later, when a Japanese reporter asked the leaders a question

He eventually put the device up to his ear as the Japanese reporter spoke to Trump in his native tounge