Մոսկվայում ՀՀ դեսպանատանը պատկանող Mersedes-ը ՃՏՊ-ի մեջ է հայտնվել

09:47 • 11.02.17

Ռուսաստանի Դաշնությունում Հայաստանի Հանրապետության դեսպանատանը պատկանող Mersedes մեքենան ճանապարհատրանսպորտային պատահարի մեջ է հայտնվել Մոսկվայի «Շերեմետևո» օդանավակայանի հարակից հատվածում:


Այս մասին ria.ru-ին հայտնել է դեսպանատան մամուլի քարտուղար Լևոն Թորգոմյանը:


Նա մանրամասնել է, որ դեսպանատան մեքենան օդանավակայանի կողմից դուրս է եկել վճարովի մայրուղու վրա ու բախվել Kia-ին: Միջադեպի հետևանքով որևէ մեկը չի տուժել:


Թորգոմյանը հավելել է, որ դեսպանատան վարորդը հայտնել է իրենց, որ նա մեղավոր չէ տեղի ունեցածի համար: