Համբուրգի օդանավակայանում անհայտ նյութի արտահոսքից 50 մարդ է տուժել

17:24 • 12.02.17

Գերմանական Համբուրգ քաղաքի օդանավակայանում անհայտ նյութի արտահոսքի պատճառով տուժել է 50 մարդ, այս մասին հայտնում է Bild պարբերականը:

Արտահոսքն, ամենայն հավանականությամբ, կապված է օդափոխիչ համակարգի հետ: Մասնագետներն ուսումնասիրում են դեպքի պատճառներն ու մանրամասները:

Տուժածները, մասնավորապես, գանգատվում էին հազից, աչքերի գրգրվածությունից և շնչել դժվարանալուց:

Օդանավակայանի աշխատանքը ներկա պահին վերականգնվել է: