Թրամփի՝ ազգային անվտանգության հարցերով խորհրդականը հրաժարական է տվել ռուսների հետ կապի մեջ լինելու սկանդալի ֆոնին
Միացյալ Նահանգների նախագահի՝ ազգային անվտանգության հարցերով խորհրդական Մայքլ Ֆլինը հրաժարականի դիմում է ներկայացրել, հայտնում է Reuters-ը՝ մանրամասնելով, որ Ֆլինին մեղադրում են ռուս պաշտոնյաների հետ կապի մեջ լինելու համար:
Իր հրաժարականի նամակում Ֆլինը նշել է, որ վստահ է նախագահ Դոնալդ Թրամփի ձևավորած թիմի հաջողության մեջ:
«Գիտեմ, որ նախագահ Թրամփի, փոխնախագահ Մայք Փենսի և նրանց հավաքած հրաշալի թիմի ղեկավարությամբ՝ նրանք ԱՄՆ պատմության մեջ կհիշվեն որպես մեծագույն նախագահություններից մեկը»,-գրել է Ֆլինը:
Նշենք, որ Ֆլինի պաշտոնում նշանակվել է թոշակի անցած գեներալ Քիթ Քելոգը:










