Մայնի Ֆրանկֆուրտի օդանավակայանի մոտակայքում Երկրորդ համաշխարհայինի ժամանակներից մնացած ռումբ է հայտնաբերվել

10:38 • 14.02.17

Գերմանիայում Մայնի Ֆրանկֆուրտի միջազգային օդանավակայանի մոտակայքում գտնվող Քելստերբախ քաղաքում Երկրորդ համաշխարհային պատերազմի ժամանակներից մնացած և չպայթած ավիառումբ է հայտնաբերվել, այս մասին հայտնում է ТАСС գործակալությունը՝ հղում անելով տեղի ոստիկանության հայտարարությանը:

250 կգ քաշ ունեցող ռումբը, պարզվում է, նետված է եղել բրիտանական օդուժի կողմից:

Ռումբի գտնվելու վայրի շուրջ հայարարված է անվտանգության գոտի՝ 700 մետր շառավղով: 

Նշենք, որ այդ տարածքում գտնվում է հյուրանոց, փախստականների ապաստարան, բացի այդ՝ օդանավակայանին պատկանող որոշ շինություններ, սակայն անվտանգության աշխատակիցներն առայժմ չեն մանրամասնում՝ արդյոք դրանք կապ ունեն ուղևորների տերմինալների հետ, թե ոչ:

Սպասվում է, որ ավիառումբը կվնասազերծվի տեղի ժամանակով ժամը 23:00-ից հետո:

Նշենք, որ Երկրորդ համաշխարհայինի ժամանակ Գերմանիայի վրա նետվել է ավելի քան 2 մլն ռումբ, որոնց 20 տոկոսը պայթել են: