Երաժիշտ Մոբին պնդում է, որ Թրամփի և Պուտինի գաղտնի համաձայնության մասին ապացույցներ ունի
Ամերիկյան հայտնի երաժիշտ Մոբին հայտարարել է, որ Միացյալ Նահանգների նախագահ Դոնալդ Թրամփը գաղտնի կապի մեջ է Ռուսաստանի նախագահ Վլադիմիր Պուտինի ու այդ երկրի իշխանությունների հետ:
Ինչպես նշում է The New York Daily News-ը, աստղն այս մասին ասել է ֆեյսբուքյան գրառման մեջ՝ նշելով, որ ապացույցներ ունի:
Մոբին նաև հայտարարել է, որ ռուսներն իրականում «կոմպրոմատ» ունեն Թրամփի դեմ, որի միջոցով շանտաժի են ենթարկում ԱՄՆ 45-րդ նախագահին:
«Առաջին իսկ օրից Թրամփի վարչակազմը գաղտնի համաձայնության մեջ է եղել Ռուսաստանի կառավարության հետ: Տարբեր երկրների՝ այդ թվում նաև ԱՄՆ հետախուզական ծառայություններն ուղղակի սարսափած են Թրամփի վարչակազմի ոչ կոմպետենտ լինելուց և փորձում են հնարավորինս շատ տեղեկություն հավաքել նախագահի պաշտոնանկության գործընթացին մեկնարկ տալու համար»,-գրել է Մոբին:
Բացի այդ, երաժիշտը նշել է, որ Թրամփը փորձում է սադրել Իրանին պատերազմ սկսելու համար:










