ՀՅԴ–ն հրապարակեց համամասնական ցուցակը. այն կգլխավորի Արմեն Ռուստամյանը (տեսանյութ)
ՀՅԴ համամասնական ցուցակը կգլխավորի Արմեն Ռուստամյանը: Այս մասին այսօր մամուլ ասուլիսին հայտարարեց ՀՅԴ ԳՄ ներկայացուցիչ, ՀՅԴ նախընտրական շտաբի պետ Աղվան Վարդանյանը: Նա ներայացրեց առաջին 25 համարները և նշեց, որ իրենց ցուցակը 170 անձանցից է կազված:
1. Արմեն Ռուստամյան
2 .Աղվան Վարդանյան
3. Լոքյան Դավիթ
4. Կյուրեղյան Արմենուհի
5. Մկրտչյան Լևոն
6 .Արծվիկ Մինասյան
7.Բաբայան Արմեն
8. Առաքելյան Ռուզաննա
9. Սպարտակ Սեյրանյան
10.Մանուկյան Միքայել
Ներկայացնելով ցուցակը՝ Աղվան Վարդանյանն ասաց, որ իրենց ցուցակում «օդիոզ» կերպարներ չկան։ «Մեր թեկնածուների մեջ օդիոզ կամ այլ կարգի ֆիգուրներ չեք տեսնի»,-ասաց նա:
Նա նաև նշեց, որ ցուցակում մոտ 45 հոգին անկուսակցականներ են, համակիրներ են, ովքեր տարիներ շարունակ իրենց հետ են եղել, նրանք համաձայն են Դաշնակցության արժեհամակարգի հետ, նույն թիմի անդամներ են:
Հիշեցնենք, որ երեկ համամասնական ցուցակի առաջին տասնյակն էր հրապարակել Հայաստանը Հանրապետական կուսակցությունը։ Ցուցակը գլխավորելու է ՀՀ պաշտպանության նախարար Վիգեն Սարգսյան, երկրորդ և երրորդ տեղերում են համապատասխանաբար Տարոն Մարգարյանն ու Արփինե Հովհաննիսյանը։
Ավելի վաղ հրապարակվել էր նաև «Ելք» դաշինքի համամասնական ցուցակի առաջին երեք հորիզոնականները։ Դաշինքի ցուցակը կգլխավորի «Լուսավոր Հայաստան» կուսակցության ղեկավար Էդմոն Մարուքյանը, երկրորդ տեղում է «Հանրապետություն» կուսակցության առաջնորդ Արամ Սարգսյանը, եռյակը եզրափակում է «Քաղաքացիական պայմանագիր» կուսակցության վարչության անդամ Նիկոլ Փաշինյանը:










