Թաիլանդում զբոսաշրջիկն ընկել է հյուրանոցի 9-րդ հարկից ու միայն ձեռքը կոտրել (լուսանկարներ)
Թաիլանդական Պատայա կղզում Գերմանիայից ժամանած զբոսաշրջիկը ցած է ընկել հյուրանոցի 9-րդ հարկից ու հաջողացրել ողջ մնալ, հայտնում է Phuket Gazette-ը:
Դատելով տեսահսկման խցիկների ֆիքսած կադրերից՝ 53-ամյա Բերնարդ Շարթլը կանխամտածված է նետվել հյուրանոցի տանիքից, որտեղ գտնվում է բարը:
Հետաքրքրական է, որ միջադեպի հետևանքով գերմանացին ընդամենը ձեռքն է կոտրել:
Զբոսաշրջիկի անկումը մեղմել է հյուրանոցին կից կառուցված սրճարանի տանիքը: Շարթլն ընկել է տանիքին ու, դրա միջով անցնելով, հայտնվել հատակին:
Հյուրանոցի աշխատակազմը պատմել է, որ գերմանացին եկած օրվանից զբաղվել է հարբեցողությամբ:
Ներկայում տուժածը հոսպիտալացված է:
















