Թրամփը չի բացառել Կիմ Չեն Ընի հետ հանդիպման հավանականությունը
Միացյալ Նահանգների նախագահ Դոնալդ Թրամփը Reuters լրատվական գործակալությանը տված հարցազրույցում ասել է, որ Հյուսիսային Կորեայի ղեկավար Կիմ Չեն Ընի հետ պաշտոնական հանդիպումը հնարավոր է:
«Երբեք պետք չէ ասել «ո՛չ»: Չնայած, միգուցե, հիմա արդեն չափազանց ուշ է՝ հաշվի առնելով ստեղծված պատկերը»,- հյուսիսկորեացի առաջնորդի հետ հնարավոր հանդիպման մասին հարցին պատասխանելիս ասել է ԱՄՆ 45-րդ նախագահը:
Հայտնի է, որ ավելի վաղ Թրամփն ասել է, որ Փհենյանի ցուցաբերած ագրեսիան զսպելու համար անհրաժեշտ է արագացնել Ճապոնիայում և Հարավային Կորեայում հակահրթիռային համակարգերի տեղակայման գործընթացը:
Թրամփը հավելել էր, որ Հյուսիսային Կորեայի կողմից բալիստիկ հրթիռների փորձարկումներն իրեն շատ են զայրացրել:










