ԱՄՆ-ի Նոր Օրլեան քաղաքում հարբած վարորդը վրաերթի է ենթարկել 28 քաղաքացու
ԱՄՆ Լուիզիանա նահանգի խոշորագույն քաղաքը համարվող Նոր Օրլեանում ավտոմեքենայի վարորդը վրաերթի է ենթարկել բազմաթիվ քաղաքացիների, ներկա պահին հաղորդվում է 28 տուժածների մասին:
Ինչպես հայտնում է Associated Press-ը՝ դեպքը տեղի է ունեցել այն ժամանակ, երբ մարդկանց բազմությունը հավաքված է եղել կաթոլիկ պահքի մեկնարկին նվիրված միջոցառումը դիտելու:
Հայտնի է, որ տուժածներից 21-ը ներկա պահին գտնվում են քաղաքի հիվանդանոցներում:
Տեղի իշխանությունները բացառում են ահաբեկչության վարկածը, իսկ ավտոմեքենայի վարորդը, ով գտնվել է ալկոհոլի ազդեցության տակ, ձերբակալված է:










