ԱՄՆ դեմոկրատ կանայք սպիտակ հագուստով են ներկայացել Կոնգրեսում Թրամփի ելույթին (լուսանկարներ)
ԱՄՆ դեմոկրատական կուսակցության կանայք սպիտակ հագուստ են կրել Կոնգրեսի երկու պալատների առաջ նախագահ Դոնալդ Թրամփի առաջին ելույթի ժամանակ՝ ի պատիվ սուֆրաժիստների շարժման, գրում է The Daily Mail-ը:
Սուֆրաժիստ կանանց շարժումը խրախուսում էր իր հետևորդներին սպիտակ հագուստ կրել որպես մաքրության խորհրդանիշ: Անցած տարվա նախագահական ընտրությունների ժամանակ Դեմոկրատական կուսակցության թեկնածու Հիլարի Քլինթոնը նույնպես սպիտակ հագուստ է կրել նախընտրական արշավի գլխավոր ելույթների ժամանակ: Նա սպիտակ է կրել նաև Թրամփի երդմնակալության արարողության ժամանակ:
Սպիտակ հագուստ կրելու կոչով հանդես է եկել Ներկայացուցիչների պալատի դեմոկրատ կանանց աշխատանքային խումբը՝ որպես «բոլոր կանանց համար հավասար իրավունքներին ուղղված պայքարի» խորհրդանիշ:
Ինչպես նշել է Կանանց աշխատանքային խմբի նախագահ Լուիս Ֆրանկելը, կանայք սպիտակ են հագել՝ միավորվելու համար Թրամփի վարչակազմի կողմից կանանց իրավունքների հարցում հետընթաց գրանցելու փորձերի դեմ:


















