Հնդկաստանում կնոջը ողջ դիակիզել են, երբ բժիշկները նրան սխալմամբ մեռած են համարել
Հնդկաստանի հյուսիսային Ուտար Պրադեշ նահանգում 24-ամյա Ռաշնա Սիսոդիային ողջ-ողջ դիակիզել են, երբ բժիշկները նրան սխալմամբ մեռած են համարել:
Ինչպես նշում է The Daily Mail-ը, բժիշկները հայտարարել են, որ Ռաշնան մահացել է թոքային վարակից, ինչից հետո ամուսինը վերցրել է կնոջ դին ու տարել դիակիզարան:
Պարբերականի փոխանցմամբ՝ արարողությանը ներկա անձանցից մեկը ենթադրելով, որ կինը դեռևս ողջ է, ստիպել է հանգցնել կրակը:
Դիահերձումից հետո պարզվել է, որ կինը մահացել է ոչ թե թոքային վարակից, այլ ողջ-ողջ այրվելու շոկից: Բացի այդ, մասնագետները կնոջ շնչափողում ու թոքերում այնպիսի մասնիկներ են գտել, որոնք շնչելու հետևանք են:
Հիմնվելով շնչափողում և թոքերում հայտնաբերված մասնիկների վրա՝ բժիշկները հանգել են այն եզրակացության, որ կինը ողջ է եղել այրվելու ժամանակ:










