Ռուսաստանում գործարար է սպանվել
Ռուսաստանի Կեմերովոյի մարզում 39-ամյա գործարար է սպանվել, այս մասին հայտնում է lenta.ru-ն:
Գործարարի մարմինը հայտնաբերվել է Կեմերովո քաղաքի ավտոտնակային կոոպերատիվի տարածքում: Հայտնի է, որ տղամարդը կայանել է իր մեքենան ավտոտնակում և հասցրել սեղմել տագնապի կոճակը: Դեպքի վայր ժամանած օպերատիվ խումբը հայտնաբերել է նրա մարմինը:
Տեղանքի ուսումնասիրման ընթացքում ավտոտնակում հայտնաբերվել են փամփուշտներ, որոնք, ըստ նախնական վարկածի, պատկանում են Մակարով տեսակի ատրճանակի:
Գործարարը Կեմերովոյի տարածքում զբաղվում էր էլեկտրական ապրանքների վաճառքով, ուներ առևտրային տարածքներ: Իրավապահները չեն բացառում, որ սպանության պատճառներից մեկը կարող է լինել տուժածի ձեռնարկատիրական գործունեությունը:
Դեպքի առնչությամբ հարուցվել է քրեական գործ:










