Պալմիրայի համար մղվող մարտերում ռուս գեներալ է վիրավորվել

18:27 • 03.03.17

Արևմտյան ռազմական շրջանի մարտական պատրաստականության վարչության ղեկավար Պյոտր Միլյուխինը ծանր վիրավորում է ստացել Սիրիայի Պալմիրա քաղաքի վերանվաճման համար մղվող մարտերում:

Ինչպես հաղորդում է Lenta.ru-ն, ռուսական ուժերի գեներալ-մայորը վիրավորվել է մոտ մեկ շաբաթ առաջ ռազմադաշտում տեղադրված ականի պայթյունի հետևանքով:

Ռուսական լրատվամիջոցների տվյալներով` վերջինս զրկվել է երկու ոտքից և աչքից: Տուժածին առաջին բուժօգնություն են ցույց տվել դեպքի վայրում, սակայն առողջական վիճակի վատթարացումից հետո նրան տեղափոխել են Մոսկվա: