ՀԴԲ ղեկավարը խնդրել է Արդարադատության նախարարությանը հրապարակավ հերքել Թրամփի՝ իրեն գաղտնալսելու մասին մեղադրանքները
ԱՄՆ Հետաքննությունների դաշնային բյուրոյի (ՀԴԲ) տնօրեն Ջեյմս Կոմին արձագանքել է նախագահ Դոնալդ Թրամփի հայտարարությանն առ այն, որ նախկին նախագահ Բարաք Օբաման պաշտոնավարման վերջին օրերին հրահանգել էր գաղտնալսել իր հեռախոսազրույցները:
Ինչպես հայտնում է The New York Times-ը, Կոմին դիմել է ԱՄՆ արդարադատության նախարարությանը՝ խնդրելով հրապարակավ հերքել Թրամփի մեղադրանքները, քանի որ դրանք կեղծ են ու հերքման կարիք ունեն:
Կոմիի խոսքով՝ հեռախոսազանգերի գաղտնալսման վերաբերյալ Թրամփի մեղադրանքներն անհիմն ենթադրություններ են առաջ քաշում առ այն, որ ՀԴԲ-ն խախտել է օրենքը: Մինչդեռ Կոմին պնդում է, որ դա սուտ է:
Աղբյուրը հիշեցնում է, որ ավելի վաղ Օբամայի խոսնակը հերքել էր Թրամփի մեղադրանքները:










