Հնդիկ օդաչուներն ընդհատել են թռիչքը՝ զուգարանից եկող գարշահոտի պատճառով
Հնդկական SpiceJet ավիաընկերության օդանավերից մեկի անձնակազմը ստիպված է եղել ընդհատել SG 192 չվերթը՝ զուգարանից եկող գարշահոտի պատճառով, հայտնում է hindustantimes.com-ը՝ մանրամասնելով, որ ինքնաթիռում եղել է 184 ուղևոր:
Բանգալոր-Դելի չվերթն իրականացնող Boeing 737 օդանավը ստիպված է եղել չնախատեսված վայրէջք կատարել Հայդարաբադի օդանավակայանում:
Տեղեկությունը հաստատել է ավիաընկերության խոսնակը՝ չմանրամասնելով, թե ինչով էր պայմանավորված գարշահոտը:
Հայտնի է, որ Հայդարաբադի օդանավակայանում ինքնաթիռի զուգարանը մաքրվել է ու օդափոխվել, ինչից 1 ժամ անց չվերթը շարունակվել է:










