Պուտինը ցլամարտի մասին ֆիննական մուլտֆիլմի հերոս կդառնա
Ռուսաստանի Դաշնության նախագահ Վլադիմիր Պուտինը կհայտնվի ցլամարտի մասին ֆիննական անիմացիոն ֆիլմում: Սյուժեի համաձայն՝ կերպարը երազում է ցլամարտիկ դառնալ, հայտնում է lenta.ru-ն:
Ռեժիսոր Կատարիինա Լիլկվիստի խոսքով՝ նախագծի գաղափարն առաջացել է Կատալոնիայում ցլամարտի արգելքի պատճառով:
«Դա շատ հետաքրքիր և հումորային նախագիծ է: Այն շատ է տարբերվում իմ նախորդ նախագծերից»,- ասել է նա:
Լիլկվիստի հետ համահեղինակ է դարձել Յուխո Յունտունենը: Նրանք պատրաստվում են նաև կոմիքսների գիրք հրատարակել՝ նվիրված այդ թեմային: Մուլտֆիլմը ֆինանսավորում է Ֆինլանդիայի մշակութային հիմնադրամը:
Կատալոնիայի կառավարությունը ցլամարտն արգելելու որոշումն ընդունել է 2010 թվականին։ 2016-ի հոկտեմբերին Իսպանիայի սահմանադրական դատարանի որոշմամբ այն չեղարկվել է։










