Ուզբեկստանում թոշակառուներին թույլ են տվել անվճար օգտվել մետրոյից

12:12 • 10.03.17

Ուզբեկստանում մարտի 15-ից բոլոր թոշակառուները կկարողանան անվճար օգտվել մայրաքաղաք Տաշքենդի մետրոպոլիտենից, հայտնում է ca-news.org-ը:


Հայտնի է, որ համապատասխան որոշումը կայացրել է  երկրի նախարարական կաբինետը՝ թոշակառուների համար անվճար երթևեկման ժամ սահմանելով 10:00-16:00-ը:


Աղբյուրը մանրամասնում է, որ թոշակառուների համար մետրոյով երթևեկելն անվճար դարձնելը երկրի նախագահ Շավքաթ Միրզիյոևի նախընտրական խոստումներից մեկն է եղել:


Նշվում է, որ նոր որոշման հետևանքով մետրոպոլիտենի կրած վնասները կփոխհատուցվեն պետական բյուջեից: