Եվրոպան առանց եվրասիական տարածքի, հատկապես առանց Ռուսաստանի, կայուն չէ. Ալեքսանդր Ռար
Եվրոպան առանց եվրասիական տարածքի, հատկապես առանց Ռուսաստանի, կայուն չէ: Այս մասին «Վալդայ» բանավեճային ակումբի արտագնա նիստում, որն անցկացվում է Երևանում, հայտարարեց Գերմանա-ռուսական ֆորումի գիտական տնօրեն, քաղաքագետ Ալեքսանդր Ռարը։
Վերջինս նշեց, որ Արևմուտքը կայուն կլինի միայն ՌԴ-ի ու եվրասիական տարածքի հետ:
Ալ. Ռարը նշեց, որ «Արևմուտքը նորացվեց, երբ ՆԱՏՕ-ին անդամակցեցին նոր պետություններ՝ նոր մոտեցումներով, նոր գաղափարներով, վրեժ լուծելու համար մեծ եղբորից, ուստի դարձան սահմանափակ»: Միաժամանակ, գերմանաբնակ վերլուծաբանն ասաց, որ Արևմուտքը թաքնված նպատակ է ունեցել՝ թույլ չտալ, որ Ռուսաստանը նորից դառնա կայսրություն:
«Արևմուտքը հրաժարվում է Եվրասիական տնտեսական միության հետ համագործակցել, ՀԱՊԿ-ի հետ համագործակցել, չնայած՝ ահաբեկչության դեմ համատեղ է պետք պայքարել»,- հավելեց Ռարը:










