Մեքսիկական քաղաքում զինաթափել և ձերբակալել են բոլոր ոստիկաններին

12:20 • 15.03.17

Մեքսիկական Օկոտլան քաղաքում զինաթափել և ձերբակալել են բոլոր ոստիկաններին: Այդ մասին հայտնում է «ՌԻԱ Նովոստի»-ն՝ վկայակոչելով Խալիսկո նահանգի ոստիկանական ուժերի միասնական հրամանատարությանը:


Պատճառը կարող էր լինել կասկածը, որ նրանց շարքեր են մտել հանցագործներ: Այդ տեղեկությունը դեռ պաշտոնապես չի հաստատվել:


Դատախազության տվյալներով՝ Օկոտլանում կարգը հսկելու են Խալիսկոյի իշխանություններին ենթարկվող ոստիկանները:


Ձերբակալվածները պետք է անցնեն մանրակրկիտ ստուգումներ: Դրանից հետո կկայացվի որոշում, թե արդյոք նրանք կարող են շարունակել աշխատանքը, թե պետք է հեռացվեն: