Շվեյցարիան մերժել է Էրդողանին վիրավորելու համար կասկածվող անձի հետապնդման գործում Թուրքիային աջակցելու դիմումը

12:55 • 17.03.17

Շվեյցարիան մերժել է Թուրքիայի նախագահ Ռեջեփ Թայիփ Էրդողանին վիրավորելու համար կասկածվող անձի հետապնդման գործում իրավաբանական աջակցություն տրամադրելու մասին Թուրքիայի դիմումը՝ նշելով, որ խնդրո առարկա հայտարարությունները պաշտպանվում են Շվեյցարիայի ազատ խոսքի վերաբերյալ դրույթներով, հայտնում է Reuters-ը:


Ինչպես հայտարարել է Արդարադատության դաշնային գրասենյակի խոսնակը, Շվեյցարիան օգնում է օտարերկրյա դատախազներին միայն այն դեպքում, եթե հանցագործությունը, որը նրանք հետաքննում են, Շվեյցարիայում նույնպես քրեական հանցագործություն է, իսկ այս դեպքում դա այդպես չէր:


Նշվում է, որ Էրդողանին վիրավորող խոսքերը հրապարակվել էին սոցիալական մեդիաներում:


Խոսնակը հավելել է, որ Թուրքիան ևս երեք նման դիմում է ուղղել Շվեյցարիային, որոնք դեռ պետք է առանձին-առանձին քննվեն: