Էթնա հրաբխի ժայթքման հետևանքով տուժել է BBC-ի նկարահանող խումբը

13:54 • 17.03.17

Բրիտանական BBC հեռարձակող կորպորացիայի նկարահանող խումբը տուժել է Էթնա հրաբխի ժայթքման հետևանքով: Այս մասին Twitter-ում հայտնել է լրագրող Ռեբեկա Մորելեն:

«BBC-ի ամբողջ թիմը նորմալ վիճակում է. ոմանք մի քանի վնասվածք և այրվածք են ստացել: Չնայած մենք շատ ցնցված էինք, շատ վախենալու էր», - գրել է լրագրողը:

Մորելեն «հզոր պայթյուն» է անվանել հրաբխի ժայթքումը:

«Ընկնող քարերի հետ սարից ներքև վազելը, թեժ քարերից և գոլորշու եռացող արտանետումներից փախչելն այն փորձը չէ, որը ես երբևէ կցանկանայի կրկնել», - ասվում է լրագրողի մեկ այլ գրառման մեջ:

Մորելեն հավելել է, որ «ամեն ինչ կարող էր ավելի վատ լինել»:

Հիշեցնենք, որ Սիցիլիայում ժայթքել է Էթնա հրաբուխը, ինչի հետևանքով տասը մարդ վնասվածք է ստացել: