Կանադայում առևտրի կենտրոնի վերևում երկու փոքր ինքնաթիռ է բախվել

10:03 • 18.03.17

Մեկ մարդ է զոհվել Մոնրեալից հարավ գտնվող խոշոր առևտրի կենտրոնի վերևում երկու թեթև շարժիչով ինքնաթիռների բախման հետևանքով: Եվս երեք հոգի ստացել են վնասվածքներ, հայտնում է BBC-ի ռուսական ծառայությունը:


Զոհվածն ինքնաթիռներից մեկի օդաչուն է: Վիրավորվել է երկրորդ ինքնաթիռի օդաչուն և երկու անցորդ:


Հաղորդվում է, որ բախումից հետո մի ինքնաթիռը բախվել է առևտրի կենտրոնի տանիքին, իսկ երկրորդն ընկել ավտոկայանատեղիի վրա:


Ինքնաթիռներում ուղևորներ չեն եղել:


Բախման պատճառը պարզ չէ: Ինչպես հայտնում է «Ֆրանս պրես» գործակալությունը, եղանակը պարզ է եղել և անամպ: