Այս տարի սակուրան Ճապոնիայում սովորականից 5 օր շուտ է ծաղկել
Այս տարի սակուրան Տոկիոյում ծաղկել է սովորականից 5 օր շուտ, ինչը մթնոլորտային ցածր ճնշման, տեղումների ու տաք եղանակի հետևանք է, հայտնում է ria.ru-ն՝ Ճապոնիայի օդերևութաբանական ծառայությանը հղումով:
Նշվում է, որ առաջինը ծաղկել է Տոկիոյի Յասուկունի տաճարի գլխավոր սակուրան: Մինչդեռ սակուրայի զանգվածային ծաղկումն այգիներում կսկսվի ապրիլի սկզբին:
Աղբյուրը հավելում է, որ Ճապոնիայում աճում են բալենու տարբեր տեսակներ, որոնք ընդհանուր կոչում են սակուրա: Որոշ տեսակներ ծաղկում են մարտի սկզբին, իսկ որոշներն էլ՝ դեկտեմբերին:












