Թրամփը կհանդիպի ՆԱՏՕ-ի գլխավոր քարտուղար Ստոլտենբերգին ապրիլի 12-ին

05:39 • 22.03.17

ՆԱՏՕ-ի գլխավոր քարտուղար Յենս Ստոլտենբերգը կհանդիպի ԱՄՆ նախագահ Դոնալդ Թրամփի հետ Վաշինգտոնում ապրիլի 12-ին, հայտնում է Lenta.ru-ն:


«Կողմերը կքննարկեն ուժեղ Հյուսիսատլանտյան դաշինքի կարևորությունը, որն ապահովում է կոլեկտիվ պաշտպանություն և կայունության ամրապնդում դրա սահմաններից դուրս», - նշված է հայտարարության մեջ: ԱՄՆ նախագահական ընտրություններից հետո սա Թրամփի և Ստոլտենբերգի առաջին հանդիպումն է:


ՆԱՏՕ-ի գլխավոր քարտուղարն այժմ գտնվում է Վաշինգտոնում եռօրյա այցով: Նա ժամանել է ԱՄՆ մարտի 20-ին և բանակցություններ է ունեցել Պենտագոնի ղեկավար Ջեյմս Մատիսի հետ: