Ֆրանսիայի Լիլ քաղաքում անհայտ անձը կրակ է բացել ավտոկայանատեղիում. կան վիրավորներ (լուսանկարներ)
Ֆրանսիական Լիլ քաղաքի ավտոկայանատեղիում հրաձգության հետևանքով 3 մարդ է վիրավորվել՝ այդ թվում դեռահաս, հայտնում է ВВС-ի ռուսական ծառայությունը՝ La Voix du Nord հրատարակությանը հղումով։ Նշվում է, որ հրաձգությունը տեղի է ունեցել քաղաքի հարավում՝ մետրոյի Porte d'Arras կայարանի մոտակայքում։
Հրաձգության հետևանքով 14-ամյա դեռահասը վիրավորվել է ոտքի շրջանում, մեկ այլ մարդ՝ պարանոցի շրջանում, երրորդ վիրավորն ինքնուրույն կարողացել է գնալ հիվանդանոց։
France Bleu Nord ռադիոկայանը հայտնել է, որ կրակ բացողը փախել է դեպքի վայրից։
Ըստ La Voix du Nord-ի՝ հետաքննության նախնական տվյալների համաձայն՝ նա որոշել է այդ քայլով մաքրել հաշիվներն ինչ որ մեկի հետ։
















