Փարիզում ոստիկանի կողմից չինացու սպանությունը բողոքի ցույցեր է հրահրել. ձերբակալվել է 35 մարդ (լուսանկարներ, տեսանյութ)
Ֆրանսիայի ոստիկանությունը 35 մարդ է ձերբակալել ոստիկանի կողմից չինացու սպանության առնչությամբ Փարիզի ասիական համայնքի ցույցի ժամանակ, հայտնում է AFP գործակալությունը:
Ոստիկանությունը հայտնել է, որ ասիական համայնքի մոտ 150 անդամ հավաքվել է մայրաքաղաքի հյուսիս-արևելքում գտնվող ոստիկանական բաժանմունքի դիմաց:
Հաղորդվում է, որ տեղի ունեցած բախումների ընթացքում երեք ոստիկան է վիրավորվել, և վնաս է հասցվել մեկ ոստիկանական մեքենայի:
Զայրացած ցուցարարները բողոքել են ոստիկանական բռնության դեմ, երբ հայտնի է դարձել, որ ոստիկանը կիրակի օրը չինացու է սպանել:
Ինչպես գործակալությանը հայտնել են ոստիկանությունում աղբյուրները, իրավապահները ժամանել են չինացու տուն՝ ընտանեկան վեճի մասին հաղորդումից հետո:
Նրանց խոսքերով՝ տղամարդը դուռը բացվելուն պես դանակով հարձակվել է ոստիկանի վրա՝ վիրավորելով նրան, իսկ ոստիկանի գործընկերը կրակել է նրա վրա՝ սպանելով չինացուն:
Այնուամենայնիվ, սպանվածի բարեկամների փաստաբանը նշել է, որ ընտանիքը «վիճարկում է դեպքերի պաշտոնական վարկածը», և հավելել է, որ չինացին ոչ մեկի չի վիրավորել, իսկ ոստիկանները կրակել են առանց նախազգուշացման:






Paris - Tensions devant le commissariat du 19eme suite au décès d'un homme lors d'une intervention policière hier soir. #mortdeLiuShaoyo pic.twitter.com/u6y9rlldr5
— Remy Buisine (@RemyBuisine) March 27, 2017
Paris - Des affrontements toujours en cours dans les rues à proximité du commissariat du 19eme. Véhicule incendié. #mortdeLiuShaoyo pic.twitter.com/Kx7NBm802B
— Remy Buisine (@RemyBuisine) March 27, 2017










