ԱՄՆ Պենտագոնի ղեկավարը կմեկնի Լոնդոն՝ բրիտանացի գործընկերոջ հետ բանակցություններ վարելու

06:39 • 28.03.17

ԱՄՆ պաշտպանության նախարար Ջեյմս Մատիսը հինգշաբթի օրն այց կկատարի Լոնդոն, որտեղ նա բանակցություններ կվարի իր բրիտանացի գործընկեր Մայքլ Ֆելոնի հետ, հայտնում են Պենտանգոնի մամուլի ծառայությունից, ինչպես փոխանցում է ՏԱՍՍ գործակալությունը:


Այս ուղևորությունը նախատեսված է Վաշինգտոնի և Լոնդոնի «միասնությունն ընդգծելու», «Միացյալ Նահանգների և Միացյալ Թագավորության տրանսատլանտյան կապերն ամրապնդելու», հայտարարել է Պենտագոնը՝ առանց նշելու առաջիկա բանակցությունների օրակարգը: ԱՄՆ-ի պաշտպանության դեպարտամենտը նշել է միայն, որ Մատիսն ու Ֆելոնը հանդես կգան համատեղ մամուլի ասուլիսով:


Հիշեցնենք, որ ավելի վաղ այս ամիս, ԱՄՆ պետքարտուղարն այցելել էր Բելգիա, Ճապոնիա և Կորեայի Հանրապետություն: