Միխայիլ Գալուստյանին խնդրել են հարթել «Կալաշնիկով» կոնցեռնի և սթրայքբոլի միության միջև ծագած վեճը

00:49 • 29.03.17

Հումորիստ Միխայիլ Գալուստյանին խնդրել են հարթել «Կալաշնիկով» կոնցեռնի և Սթրայքբոլի ռուսական միության միջև ծագած խնդիրը:


Ինչպես տեղեկացնում է Gazeta.ru-ն, կոնցեռնն սպառնում է բազմամիլիոնանոց տուգանքներ սահմանել ԱԿ-47 ինքնաձիգի, Մակարով ատրճանակի և ԴԴՀ-ի (Դրագունովի դիպուկահարի հրացան) կրկնօրինակները վաճառելու համար` սթրայքբոլի միության անդամներին մեղադրելով հեղինակային իրավունքները խախտելու մեջ:


Սթրայքբոլիստների կարծիքով` Գալուստյանը` որպես Ռազմատեխնիկական խաղերի ֆեդերացիայի ղեկավար, կարող է համոզել զինագործներին զիջումների գնալ: Զինագործների և սթրայբոլիստների միջև հակամարտությունն ի հայտ է եկել փետրվարին:


Կոնցեռնից պահանջում են, որ նույնիսկ խաղային տարբերակները պատրաստվեն բարձր որակի չափանիշներին համապատասխան և շուկա դուրս գան իրենց արտադրանքի հետ միասին:  


Աղբյուրի հաղորդմամբ` Միխայիլ Գալուստյանի մասնակցությամբ «կլոր սեղանը» կողմերի միջև տեղի կունենա մարտի 29-ին: