Արգենտինան հավանության է արժանացրել բժշկական նպատակներով մարիխուանայի օգտագործումը
Արգենտինան հավանության է արժանացրել բժշկական նպատակներով մարիխուանայի օգտագործումը: Օրինագիծը պետք է ստորագրի երկրի նախագահ Մաուրիսիո Մակրին, ում կուսակցությունն աջակցել է օրինագծի ներկայացմանը, հայտնում է Reuters գործակալությունը:
Նման օրենքներ ավելի վաղ ընդունել են նաև Չիլին և Կոլումբիան, իսկ հարևան Ուրուգվայն անգամ օրինականացրել է մարիխուանայի օգտագործումը ոչ բժշկական նպատակներով:
Օրինագիծը, որը թույլ է տալիս բժշկական նպատակներով մարիխուանայի ներկրումը՝ մինչ Արգենտինան կարողանա արտադրել սեփականը, սենատորների կողմից ընդունվել է միաձայն:
Օրինագծի ընդունման ակտիվ ջատագովներն են եղել տարբեր քաղաքացիական կազմակերպություններ, ինչպիսին է «Mama Cultiva»-ն, որը բաղկացած է մարիխուանայի անհրաժեշտություն ունեցող հիվանդ երեխաների մայրերից: Որոշ գիտական մարմիններ մարիխուանայի արտադրության թույլտվություն են ստացել հետազոտական նպատակներով:










