Վաշինգտոնում սկսվել է Լավրով-Թիլերսոն հանդիպումը
Վաշինգտոնում սկսվել է Ռուսաստանի արտգործնախարար Սերգեյ Լավրովի և ԱՄՆ պետքարտուղար Ռեքս Թիլերսոնի հանդիպումը: Այդ մասին հայտնում է ТАСС-ը:
Ինչպես ավելի վաղ հայտնել են ՌԴ ԱԳՆ-ում, բանակցությունների ընթացքում ուշադրության կենտրոնում է լինելու իրավիճակը Սիրիայում:
Կողմերը քննարկելու են նաև Ուկրաինայում ճգնաժամի կարգավորումը, իրավիճակը Կորեական թերակղզում և մի շարք երկկողմ հարցեր:
Նշենք, որ Սերգեյ Լավրովն ամենաբարձրաստիճան ռուս պաշտոնյան է, ով այցելել է Վաշինգտոն Դոնալդ Թրամփի՝ նախագահի պաշտոնը ստանձնելուց ի վեր:










