Նյու Յորքում 3 տաքսի ընկերության տուգանել են Կանադա փախչող ներգաղթյալներից մեծ գումարներ պահանջելու համար (լուսանկարներ)

11:46 • 11.05.17

ԱՄՆ Նյու Յորք նահանգում գտնվող Պլատսբուրգ քաղաքի երեք տաքսի ընկերություն տուգանք կվճարի տարբեր գործողությունների, այդ թվում՝ Կանադա փախչող ներգաղթյալներից մեծ գումարներ պահանջելու համար: Այդ մասին հայտնում է Reuters գործակալությունը՝ վկայակոչելով Նյու Յորքի գլխավոր դատախազությանը:


Տուգանքների մասին որոշումը կայացվել է որպես գործի կարգավորման մաս այն բանից հետո, երբ երեք ընկերություն «ընդունել է, որ չի հրապարակել սակագները, ինչպես դա պահանջում է օրենքը»:


Միացյալ Նահանգներից Կանադա անօրինական ուղևորությունները չափազանց տարածված են դարձել ԱՄՆ նախագահ Դոնալդ Թրամփի իշխանության գալուց ի վեր, որը բազմիցս խոստացել է հետապնդել փաստաթղթեր չունեցող ներգաղթյալներին:


«Նյու Յորքում վերջին ամիսներին ներգաղթյալների համայնքներում մենք զգալի վախ ենք տեսել: Ֆինանսական առավելության համար այդ վախից օգտվելը պարզապես անբարեխղճություն է»,- ասել է Նյու Յորքի գլխավոր դատախազ Էրիկ Շնեյդերմանը:


Որպես կարգավորման մաս՝ ընկերությունները վճարելու են 350-ից 2500 դոլարի չափով տուգանք: