Գիրք ընթերցողներն ավելի բարի են, քան հեռուստացույց դիտողները. հետազոտություն

Գիրք ընթերցող մարդիկ ավելի «ընկերական, հասկացող և գթասիրտ» են, քան նրանք, ովքեր հեռուստացույց են դիտում: 

Ինչպես տեղեկացնում է The Independent-ը, այս մասին վկայում են Մեծ Բրիտանիայի Քինգսթոնի համալսարանի հետազոտողների իրականացրած ուսումնասիրության արդյունքները: 

Հետազոտության ղեկավար Ռոուզ Թերները հարցում է անցկացրել 123 կամավորի շրջանում, թե ժամանցի որ տարբերակն են նախընտրում՝ գրքերը, խաղերը, թե հեռուստացույց դիտելը: Այնուհետև փորձարկվել են նրան միջանձնային հատկանիշները: 

Արդյունքում պարզվել է, որ նրանք, ովքեր գեղարվեստական գրականություն են ընթերցում, դրական վարքագիծ են ցուցաբերել, իսկ նրանք, ովքեր սիրավեպ ու դրամաներ են ընթերցում, առավել հակված են կարեկցանքի:

Կատակերգական գրականություն նախընտրողներն առավել ընկերական և շփվող են:  

Իսկ նրանք, ովքեր նախընտրում են հեռուստացույց դիտել, այդքան էլ ընկերական կամ կարեկցող վարքագիծ չեն դրսևորել: