Հե՛րթ կանգնիր բոլորի նման. Մեծ Բրիտանիայի նախկին վարչապետին քննադատել են առանց հերթ մի զույգ գուլպա գնելու համար (տեսանյութ)

11:26 • 29.05.17

Մեծ Բրիտանիայի նախկին վարչապետ Դևիդ Քեմերոնին նկատել են Լոնդոնի խանութներից մեկում առանց հերթ կանգնելու մի զույգ գուլպա գնելու ժամանակ, գրում է The Daily Mail-ը։


Քաղաքական գործիչը մի զույգ գուլպա է հավանել, որը զեղչով վաճառվել է թագավորության մայրաքաղաքի ֆիրմային խանութներից մեկում։ Երբ Քեմերոնը թիկնապահների հետ, շրջանցելով հերթը, փորձել է դրամարկղին մոտենալ, նրան տեսանկարել է խանութի այցելուներից մեկը։


«Չեմ հասկանում, ինչո՞ւ պետք է նա այժմ արժանի լինի ինչ-որ յուրահատուկ վերաբերմունքի, չէ՞ որ նա արդեն վարչապետ չէ։ Չնայած դրան՝ նա փորձել է առաջ անցնել բոլորից»,- ասել է նա լրագրողներին։


«Ընկեր ջան, դու արդեն վարչապետ չես։ Հե՛րթ կանգնիր բոլորի հետ միասին»,- գրել է նրանցից մեկը։