Հնդկաստանում կայծակի հարվածից մոտ 20 մարդ է մահացել
Հնդկաստանի Բիհար նահանգում կայծակի հարվածից մոտ 20 մարդ է մահացել, հայտնում է ria.ru-ն՝ մանրամասնելով, որ միջադեպերը տեղի են ունեցել նահանգի 8 շրջանում:
Առավել մեծ թվով զոհեր են գրանցվել Արևելյան Չամպարան շրջանում, որտեղ 5 մարդ է մահացել: Մինչդեռ Արևմտյան Չամպարան նահանգում փոթորկի պատճառով պատերի փլուզման հետևանքով ևս 5 մարդ է զոհվել:
Աղբյուրը մանրամասնում է, որ այստեղ քամու արագությունը եղել է 50-70 կմ/ժ: Ընդհանուր առմամբ, եղանակային անբարենպաստ պայմանների պատճառով մահացածների թիվը հասել է 23-ի:










