Ուկրաինայում բացահայտվել է հանցախումբ, որն օգնել է ՀՀ քաղաքացիներին անօրինական կերպով հատել սահմանը (լուսանկարներ)

13:35 • 29.05.17

Ուկրաինայի Խարկովի մարզի իրավապահ մարմինները բացահայտել են խմբավորում, որն օգնել է պետական սահմանով մարդկանց անօրինական տեղափոխմանը, գրում է sq.com.ua կայքը:


Հանցախմբի անդամները ձերբակալվել են գիշերը՝ սահմանով երեք մարդու անօրինական կերպով անցկացնելու փորձի ժամանակ: Ձերբակալությունն իրականացրել է միջգերատեսչական խումբը, որի կազմում եղել են քննչական վարչության, ոստիկանության՝ մարդկանց առևտրի հետ կապված հանցագործությունների դեմ պայքարի վարչության, ինչպես նաև Ուկրաինայի անվտանգության ծառայության աշխատակիցներ:


Պարզվել է, որ մարդկանց տեղափոխման գործընթացը կազմակերպել է 26-57 տարեկան չորս քաղաքացի: Հիմնականում նրանց «հաճախորդները» եղել են Հայաստանի և Ադրբեջանի քաղաքացիներ:


Հանցախմբի անդամները ծրագիրը մշակել են 2016 թվականի փետրվարին: Հաղորդվում է, որ տղամարդիկ լավ ծանոթ են եղել պետական սահմանը հատելու կարգին, ինչպես նաև Ուկրաինայի տարածքում արտասահմանցիների գտնվելու կարգին և կանոններին:


Նախաքննությունը շարունակվում է:

 

 Картинки по запросу Силовики перекрыли канал переправки людей через границу (фото)